Боксчи Рой Жонс Россия ИИВ Москва бош бошқармаси бокс федерациясининг фахрий раиси бўлди. Бу ҳақда «Газета.ru» хабар беради.
8 декабрь куни ИИВнинг спорт комплексида боксчи Москва полицияси ходимлари учун маҳорат дарсини ўтказди.
«Бош бошқарма раҳбари томонидан Рой Жонсга Россия ИИВ Москва бош бошқармаси бокс федерациясининг фахрий раиси гувоҳномасининг топширилиши тантанали тадбирнинг энг қизғин дақиқаси бўлди», — деб хабар қилади ташкилот матбуот хизмати.
ИИВ пойтахт бошқармасидаги терма жамоа икки йилдан бери мавжуд бўлиб, жорий йилнинг май ойида шахсий таркибнинг профессионал тайёргарлик даражасини ошириш учун федерация ташкил этилган эди.
Изоҳ (0)