Буюк Британия қироличаси Елизавета II 2015 йилнинг 9 сентябрь оқшомида мамлакат тарихидаги энг узоқ ҳукмронлик қилган монархга айланади, деб хабар беради The Telegraph.
У тахтни 63 йил, етти ою икки кун бошқарган қиролича Виктория рекордини янгилайди.
Байрам куни қиролича турмуш ўртоғи ҳамроҳлигида Эдинбургдан Твидбэнккача икки соат давомида поездда саёҳат қилади. Саёҳат сўнгида эса қироличанинг рекорд муддат мобайнида ўзига ишонч билдирган фуқароларига миннатдорлик билдириб, сўзга чиқиши кутилмоқда.
Мамлакат қиролича рекордини барча мумкин бўлган йўллар билан нишонлайди.