2014 йил мартида ғойиб бўлган Малайзиянинг «Боинг» самолёти йўловчиларининг яқинлари Хитой пойтахти Пекинда норозилик намойиши ўтказди. Бу ҳақда The South China Morning Post хабар бермоқда.
Авиаҳалокат қурбонлари қариндошларидан 30 нафарга яқини 7 августга белгиланган Malaysia Airlines вакиллари билан учрашувдан бош тортди. Улар учрашувда Малайзия маъмурлари ва ОАВ вакиллари ҳам қатнашишини талаб қилган, аммо авиакомпания бу истакни қондиришдан бош тортган.
Норозилик намойиши Malaysia Airlines’нинг Пекиндаги идораси атрофида ўтказилди. Унинг иштирокчилари Малайзия ҳукумати ва авиакомпанияга ишончсизлик билдирган.