Facebook ижтимоий тармоғи раҳбари Марк Цукерберг TheDream US жамғармасига 5 миллион доллар хайрия қилди, дея хабар бермоқда ТАСС. У АҚШга ноқонуний равишда келган Америка университетлари талабаларини молиялаштириш билан шуғулланади.
The Wall Street Journal ёзишича, Цукерберг АҚШда тўла ҳуқуқли равишда таълим олиш учун зарур қонуний мақомга эга бўлмаган муҳожир талабаларни молиявий жиҳатдан қўллаб-қувватлаган сўнгги машҳур америкалик бизнесмен бўлди.
Бугунги кунгача фонд 80 миллион доллар тўплаб улгурган.
Facebook раҳбари ажратган маблағ яқин беш йил ичида Сан-Франциско ва шимолий Калифорния университетларидаги 400 нафар талабага стипендия сифатида берилади.
Цукербергнинг ўзи ушбу хатти-ҳаракатини АҚШ келажагига инвестиция киритиш деб атади.
Изоҳ (0)