АҚШнинг Коннектикут штатидаги Стемфорд шаҳрида истиқомат қилувчи оила жаҳлдор мушук сабаб уч соат давомида уйига кира олмади. Бу ҳақда Nur.kz хабар бермоқда.
Тажовузкор мушук ўз эгасига ташланиб, унинг оёғини тирнаб олганидан сўнг, улар ёрдам сўраб полицияга қўнғироқ қилган. Ҳодиса жойига етиб келган полициячилар оғирлиги уч килограмм бўлган мушукни тинчлантирганидан сўнг оила ўз уйига киришга муваффақ бўлган.
Шунга ўхшаш ҳодиса 2014 йили Флоридада содир бўлганди. Куш лақабли мовий рус мушуги жазавага тушганини кўрган жониворнинг эгалари ётоқхонага қамалиб олиб, полициядан ёрдам сўраганди. Полиция ходимлари эса мушук қутурган-қутурмаганини аниқлаш мақсадида уни олиб кетганди.