Бугун,

  • USD 11095.31
  • RUB 173.84
  • EUR 10772.44

Асли ўзбекистонлик хонанда Наргиз Зокирова Instagram саҳифасида танқидли изоҳлар қолдирган ўзбекистонлик фойдаланувчиларга қарата жавоб ёзди.

Фото: sayyod.com

Фото: sayyod.com

«Жонингизга тегмадими,а??? Тинч қўйсангиз-чи, мен сизга ўхшаганлардан қочиб кетганимга, Ўзбекистон деб аталмиш жаҳаннамдан айнан қочиб кетганимга 20 йилдан ошди. Ҳалигача ўша ерда яшайдиган қариндошларим зарарига! Мен уларни кўрмайман, уларни жудаям соғинаман, лекин сиз каби разил, жирканч нодонлар ва риёкорлар туфайли ўз ватанимни тарк этишга мажбур бўлдим! Нафақат мени, балки менинг таниқли сулоламни ҳурматлаш у ёқда турсин, ерга уриб, ўзларининг аянчли даражаларига тортиб туширмоқчи бўлган ватанимни! Бу сулолани ер билан яксон қилиш эмас, у билан фахрланишингиз керак эди! Мен бобом, бувим, тоғаларим, отам Ўзбекистон маданияти тараққиётига жуда катта ҳисса қўшганидан фахрланаман. Ўз фамилиям остида ифтихор билан юраман!!! Ва шуни билишингизни истардимки, бу қанчалик беадабона ва қўпол янграмасин, мени лаънатлашга ва менга қарата жуда хунук ва жирканч изоҳлар ёзишга қўли борадиганлар туфайли Ўзбекистонни ўз ҳаётимдан таг-томири билан узиб олишимдан уяламан ҳам! Мен сизнинг, ҳа, ҳа айнан сизнинг республикангиздан чиққанлигимни унутинг! Мен сизники эмасман! Ва ҳеч қачон бўлмаганман. На эътиқодим, на қиёфам, на руҳим, на қалбим билан! Мен эркин одамман! Менинг Ватаним бу АҚШ, Россия, Доғистон, Ҳиндистон, Хитой… Ишқилиб, ҳар қандай жой, лекин сиз эмассиз!!! Мени ва оиламни ўз ҳолига қўйинг, ёлвораман!!! Ва худо ҳаққи, саҳифамдан кетинг, сизларда айтиладигандек, «шайтон»дан нари юринг! Бу ер сиз каби «эътиқодлилар» учун эмас!!!» — дейилади санъаткорнинг изоҳида.

Скриншот: kun.uz

Скриншот: kun.uz

Наргиз Зокирова 1971 йил Тошкентда санъаткорлар оиласида туғилган. У таниқли опера қўшиқчиси, театр ва кино актёри, Ўзбекистон халқ артисти Карим Зокировнинг набираси. Наргиз 14 ёшида Юрмаладаги қўшиқлар танловида қатнашган. 90 йилларда ўзбек эстрадасида ижод қила бошлаган. 1995 йилда АҚШга кўчиб кетган ва орадан 20 йил ўтиб, 42 ёшида Россия саҳнасида кўриниш берди.

Наргиз Зокировага у «Голос» телетанлови саҳнасига чиққан илк дақиқалардан бошлаб кўпчилик қизиқиш билдирди. Бунга сабаб хонанданинг ташқи кўриниши, ноодатий имиджи, дейиш мумкин. У ноанъанавий соч турмаги, бош ва қўлларида татуировкалар, турли тақинчоқлар билан мутлақо «ўзбекча» бўлмаган кўринишда саҳнага чиқди.

Изоҳ
Асосий янгиликлар
Маҳаллий
Ўзбекистоннинг Истанбулдаги Бош консулхонаси Туркиядаги фуқароларга мурожаат билан чиқди 
Маҳаллий
Ўзбекистонда 7 февраль куни 20 даражагача илиқ бўлиши кутилмоқда 
Маҳаллий
Ўзбекистонда доллар курси яна ошди