Ўзбекистон Миллий кутубхонаси китоб-музейнинг навбатдаги кўргазмасига Шарқ санъатининг турли соҳаларига бағишланган тарихий китоблар қўйилди. Бу ҳақда кутубхонанинг расмий сайтида хабар берилди.
Кўргазмадан ўрин олган манбалар XIX аср боши ва ХХ аср ўртаси нашр санаси билан қайд этилган. Кўргазма асосан китоб ва альбомлардан ташкил топган. Экспозиция Шарқ амалий санъати, бадиий ҳунармандчилик, тасвирий санъат ва санъатнинг бошқа турларига бағишланган.
Музейда қизиқарли китоб ва альбомлар билан бирга машҳур француз олимлари Эмил Присс дъАвенн, Албер Гае, Зигфрид Bing, Луи-Матё Лангле, Генри-Рене де-Аллеман; немис олимлари Фридрих Сарре, Гейнрих Долмеч, Эрнст Кон-Vineр, Якоб Таубе, Карл Вёрман, Эрнст Кюнел; рус олимлари Тюляев Семен Иванович, Гогел Федор Владимирович, Бобринский Алексей Алексеевич, Денике Борис Петрович ва бошқаларнинг асарлари алоҳида ўрин олган.
Кўргазма жорий йилнинг 1 мартидан 31 март кунига қадар давом этади.
Изоҳ (0)