ССРИ собиқ президенти Михаил Горбачёв АҚШни Россияни совуқ урушга тортишда айблади ва бу «қайноқ уруш»га айланиб кетишидан огоҳлантирди, деб хабар бермоқда «РБК».
«Ҳозирда Америка ва Европа Иттифоқидан фақат Россияга қарши санкциялар ҳақида эшитилмоқда. Наҳотки улар бутунлай ўзларини йўқотиб қўйишди? АҚШ ўзининг ғолиблик ҳақидаги ғояларини амалга ошириш учун Россияни янги совуқ урушга олиб кирди. Буларнинг барчаси бизни қаерга олиб боради? Совуқ уруш очиқ давом этмоқда. Кейинчи? Афсуски, мен совуқ уруш қайноққа айланмаслигига амин эмасман. Улар уриниб кўришлари мумкин, деб қўрқаман», − деди Горбачёв.
Унинг фикрича, АҚШ ва Европа Иттифоқининг ўзида ҳам вазият жуда яхши эмас. «Европа мамлакатларининг бир қисми яхши яшаяпти, бошқалари эса яхши эмас. АҚШдан боғлиқлик ҳам ҳаддан ошиб кетган, жумладан Германияда ҳам», − деди Горбачёв.
Изоҳ (0)