SSRI sobiq prezidenti Mixail Gorbachyov AQShni Rossiyani sovuq urushga tortishda aybladi va bu “qaynoq urush”ga aylanib ketishidan ogohlantirdi, deb xabar bermoqda “RBK”.
“Hozirda Amerika va Yevropa Ittifoqidan faqat Rossiyaga qarshi sanksiyalar haqida eshitilmoqda. Nahotki ular butunlay o‘zlarini yo‘qotib qo‘yishdi? AQSh o‘zining g‘oliblik haqidagi g‘oyalarini amalga oshirish uchun Rossiyani yangi sovuq urushga olib kirdi. Bularning barchasi bizni qayerga olib boradi? Sovuq urush ochiq davom etmoqda. Keyinchi? Afsuski, men sovuq urush qaynoqqa aylanmasligiga amin emasman. Ular urinib ko‘rishlari mumkin, deb qo‘rqaman”, − dedi Gorbachyov.
Uning fikricha, AQSh va Yevropa Ittifoqining o‘zida ham vaziyat juda yaxshi emas. “Yevropa mamlakatlarining bir qismi yaxshi yashayapti, boshqalari esa yaxshi emas. AQShdan bog‘liqlik ham haddan oshib ketgan, jumladan Germaniyada ham”, − dedi Gorbachyov.
Izoh (0)