Янги йилга дудланган мол гўштидан салат тайёрлаймиз

«Дарё» нашрининг Korzinka.uz супермаркетлар тармоғи билан ҳамкорликдаги Янги йилга бағишланган лойиҳаси доирасида байрам дастурхонига тортиш мумкин бўлган таомлар рецептини тақдим этиб боришда давом этамиз.

Бугунги таомномада — дудланган мол гўштидан салат

Ушбу салатни тайёрлаш учун тахминан 20 дақиқа вақт ва 14 540 сўм талаб этилади.

Зарур масаллиқлар:

• 1 бош «Айсберг» карами
• 1 боғ салат барги
• 1 боғ руккола
• 100 г зайтун меваси
• 100 черри помидори
• 50 г булғор қалампири
• 10 г қизил пиёз
• 50 г дудланган мол гўшти
• 10 г маскарпоне пишлоғи
• 30 г зайтун ёғи
• 5 г узум сиркаси
• 10 г асал
• 10 г пармезан пишлоғи
• туз
• мурч

Тайёрланиши:

1. 1 бош «Айсберг» карами, 1 боғ салат барги ва рукколани яхшилаб ювиб, йирик-йирик бўлакларга бўламиз ва идишга соламиз.

2. Устига пўсти арчилиб, икки бўлакка бўлинган 100 г черри помидорини қўшамиз.

3. Зайтун меваларини 2—3 бўлакка бўлиб, уларни ҳам салатга қўшамиз.

4. Устидан майда тишли қирғичдан чиқарилган пармезан пишлоғини сепамиз.

5.  Устига таъбга кўра туз ва мурч қўшамиз.

6. Энди соусни тайёрлаб оламиз. Бунинг учун алоҳида идишга 30 мл зайтун ёғи, 10 г асал, 5 г узум сиркасини соламиз.

7. Соусга майда тўртбурчак шаклида тўғралган қизил пиёзни ҳам қўшиб юборамиз.

8. Соусни яхшилаб аралаштириб, аввал тайёрланган бошқа масаллиқларга қўшамиз.

9. Салат тайёрлашнинг кейинги босқичига ўтамиз. Дудланган мол гўштини олиб, юпқа қилиб кесамиз.

10. Ушбу бўлакларга маскарпоне пишлоғидан сурамиз.

11. Узун-узун тўғралган булғор қалампирлари бўлакчаларини биттадан қўйиб чиқамиз.

12. Сўнг уларни рулет қилиб ўраймиз.

13. Ликоп олиб, унга дастлаб соус билан аралаштирилган салатни қўямиз, устидан дудланган мол гўштидан ясалган рулетларни қўйиб чиқамиз.

14. Устига қирғичдан чиқарилган пармезан пишлоғини сепамиз.

Салатимиз тайёр. Ёқимли иштаҳа!

Ушбу таомни тайёрлашда фойдаланилган маҳсулотларни Korzinka.uz супермаркетларидан харид қилишингиз мумкин.

Уларнинг нархлари билан қуйидаги жадвалда танишишингиз мумкин. Нархлар 26 декабрь ҳолатига келтирилган.

Рукн ҳомийси — Korzinka.uz супермаркетлар тармоғи.

Таомни тайёрлашда берган кўмаги учун Тошкентдаги Affresco қаҳвахонаси ва шахсан бош ошпаз Ирена Пурцеладзега миннатдорчилик билдирамиз.

Рукнимизнинг кейинги сонларида сёмга балиғи ва рукколадан салат тайёрлаймиз, ананас билан товуқ пиширамиз ҳамда улар билан Янги йил дастурхонини безатамиз.