Бугун,

  • USD 11095.31
  • RUB 173.84
  • EUR 10772.44

Оксфорднинг собиқ епископи − лорд Ричард Харрис Буюк Британия монархларининг тож кийдириш маросимларида Қуръон ўқишни таклиф қилди, деб хабар бермоқда The Daily Mail.

Фото: cciem.org

Фото: cciem.org

Унинг сўзларига кўра, бу маросимнинг меҳмондўстлик кайфиятини оширади. Собиқ епископ мисол сифатида Бристол соборини келтирган. Исломга эътиқод қилувчи шаҳар мэри ва графлик шерифи иштирок этган маросимлардан бирида бу ерда Инжил билан биргаликда Қуръон ҳам ўқилган. Лорд Харрис ушбу таклифи учун танқид остида қолгани маълум қилинган.

Қайд этилишича, мусулмонлар Буюк Британия аҳолисининг 5 фоизини ташкил этади, бу 3 миллион кишига яқин демакдир. Мусулмонлар мамлакатда тобора фаол сиёсий кучга айланиб бормоқда, ҳар бир партия уларнинг кўмагига таянишни истайди.

Буюк Британияда навбатдаги тож кийдириш маросими қачон ўтказилиши маълум эмас. Ҳозирги давлат раҳбари − Қиролича Елизавета II 1953 йилда тахтга ўтирган бўлса, унинг тўнғич ўғли − Шаҳзода Чарльз амалдаги валиаҳд ҳисобланади.

Изоҳ
Асосий янгиликлар
Маҳаллий
Аҳолининг валюта айирбошлашга йўналтирган пул маблағлари ҳажми 68 фоизга ўсди — Марказий банк
Маҳаллий
Самарқандда 2 киши овқатдан заҳарланиб вафот этди
Маҳаллий
Тошкентда автобуснинг юрган масофасига қараб тўлов қилиш тизими йўлга қўйилади