Ucell мобил оператори Ўзбекистонда 4G – тўртинчи авлод алоқа хизматларининг тижорат фаолиятини ишга туширди. Янги технологиянинг тақдимоти Next савдо мажмуасида ташкил этилди. Тадбирда иштирок этган корпоратив мижозлар, компания абонентлари, шунингдек мажмуанинг юзлаб меҳмонларига 4G/LTE технологиясининг тезлик ва афзалликлари намойиш этилди.
Илғор технологияларни тақдим қилиш бўйича халқаро етакчи ҳисобланган TeliaSonera компаниялари гуруҳининг бир қисми бўлган Ucell Ўзбекистонда 4G/LTE тармоғини ишга туширди. Ушбу технологиянинг халқаро премьераси 5 йил аввал бўлиб ўтган. Хусусан, 2009 йилнинг 14 декабрь куни TeliaSonera Стокгольм ва Ослода 4G тармоғи фаолиятини бошлаган эди. TeliaSonera қамраб олган Скандинавиядан Болтиқбўйи ва Непалгача бўлган харитага Ucell ҳисоб бўйича ўн иккинчи 4G байроқчасини қўшди.
Шу йилнинг 1 декабрь куни Ucell хизматларидан фойдаланувчи Ўзбекистон аҳолиси ва меҳмонлар Тошкентда 4G тармоғидан фойдаланган ҳолда, юқори тезликка эга мобил интернет афзалликларини баҳолаш имконига эга бўлдилар.
Қайд этиш керакки, 2009 йилда маълумотлар узатилиши мобил трафиги овоз трафигидан ошиб кетди. Табиийки, бундай тренд ўз йўналишларини тарғиб қилади. Мазкур статистиканинг кўрсатишича, ҳар йили мобил интернетдан фойдаланиш икки баробарга ошиб бормоқда. Бугунги кунда Европа мобил алоқа бозорининг учдан бир қисми смартфонлардан фойдаланади.
Мамнуният билан маълум қиламанки, эндиликда 4G юқори тезликка эга интернетдан Ўзбекистон аҳолиси ҳам фойдаланиши мумкин. Ucell абонентлари биздаги қулай нархлар ва бугунги кунда Тошкентдаги 4G тармоғининг энг кенг қамровини баҳолаш имконига эга. Ўйлаймизки, мазкур янги технология туфайли, интернет саёҳат абонентларимизни мамнун қилади. Кўпчилик, жумладан оммавий сегмент ҳамда корпоратив мижозлар видео-стриминг, мобил телевидение, медиа-сервислар каби хизматлардан фойдаланиши мумкин. Бизнинг 4G тармоғимиз ишга туширишда Тошкент бўйича энг йирик қамров билан ажралиб туради. Биз эришганларимизда тўхтаб қолмай, пойтахт ва мамлакатнинг бошқа ҳудудларида тармоқни жорий қилишда давом этамиз. Ucell компаниясининг 4G интернети учта афзаллик, жумладан тезлик, қулайлик ва арзон нархлар билан фарқ қилади.
Ucell тақдим этаётган 4G/LTE сониясига 150 мегабитга етадиган юқори тезликка эга мобил интернет бўлиб, у қулай тарзда медиа-сервислар ва турли онлайн иловалардан фойдаланиш, мобил онлайн телевидение кўриш ва интернет саҳифалардан файлларни юклаш имконини беради. Бундан ташқари, мазкур стандарт бизнес учун интернет тармоғига мобил киришни қўллаш учун тушунарли ва қулай шартлар, фойдали тарифларни таклиф қилади. Ҳозирда бутун Тошкент 4G тармоғи билан қамраб олинган. Ucell нинг 4G тармоғи туфайли абонентлар тезлиги 3G тармоғиникига қараганда 10 баробарга ортиқ бўлган интернетдан фойдаланмоқда.
Реклама ҳуқуқи асосида
Изоҳ (0)