Евро — 2016 саралаш босқичида Россия мағлубиятга учради, Англия эса зафар қучди

Евро — 2016 саралаш босқичи доирасида 15 ноябрь куни 4-турнинг бешта ўйини бўлиб ўтди, деб хабар бермоқда Stadion.uz.

Англия ўз майдонида Словенияни қабул қилди ва иродали ғалабани қўлга киритди (3:1). Фабио Капелло бошчилигидаги Россия терма жамоаси Австриядан мағлубият билан қайтадиган бўлди. Иккинчи бўлимда киритилган ягона гол австрияликларга ғалаба келтирди.

Ўтган турда Москвадан дуранг билан қайтган Молдавия кутилмаганда ўз майдонида Лихтенштейнга ютқазиб қўйди. Сан-Марино ҳам ўз майдонида Эстония билан ўйинда бир очко олди.

Евро — 2016 саралаш, 4-тур

• Люксембург — Украина 0:3 (0:1)
• Англия — Словения 3:1 (0:0)
• Сан-Марино — Эстония 0:0
• Австрия — Россия 1:0 (0:0)
• Молдавия — Лихтенштейн 0:1 (0:0)