«Реал» ҳужумчиси Криштиану Роналду «Барселона» ҳужумчиси Лионель Мессини ҳақорат қилгани ҳақидаги гапларни инкор этиб чиқди, деб хабар бермоқда Uff.uz.
"Янгиликларда айтилишича, гўёки мен Лионель Мессининг шаънига ҳақоратли гапларни айтган эканман. Бу мутлақо ёлғон бўлиб, ишончим комилки, менинг адвокатим бу борада тегишли чораларни кўради. Бу бўҳтонни тарқатган одам жавоб беради.
Мен барча ҳамкасбларимга ҳурмат билан қарайман ва табиийки Месси ҳам бу борада истисно эмас», — деди Криштиану Роналду.
Эслатиб ўтамиз, журналист Гилем Балаге Криштиану Роналду Лионель Мессини ёқтирмаслиги ва уни ножоиз гаплар билан ҳақорат қилишини хабар бериб ўтган эди.
Изоҳ (0)