Бугун, 11 ноябрь куни Тошкентда Америка-Ўзбекистон савдо палатаси (АЎСП)нинг навбатдаги мажлиси бўлиб ўтди, дея хабар бермоқда UzReport.
Тадбирда Американинг 30 дан ортиқ йирик компаниялари, жумладан «Женерал Моторз», «Боинг», «Хоневелл», «Женерал Электрик», «Локхид Мартин», «Камеко», «Проктер энд Гэмбл», «Кейс Нью Холланд» ва бошқалар иштирок этди.
Мажлисда АҚШ ва Ўзбекистоннинг етакчи компаниялари ўртасида ўзаро манфаатли иш алоқаларини янада мустаҳкамлашга қаратилган савдо-иқтисодий ва инвестициявий ҳамкорлик лойиҳалари муҳокама қилинди.