Бугун 24 октябрь куни Тошкент шаҳридаги ТЧК коворкинг марказида илк Microsoft Mobile DEV meetup ўтказилади. Тадбирга кириш бепул бўлиб, у соат 18:00 да бошланади. Бу ҳақда ТЧК коворкинг марказининг Facebook’даги саҳифасида хабар берилди, деб ёзади «Пароль» нашри.
Хабарда ёзилишича, Meetup бу — битта умумий қизиқишга эга инсонларнинг бир жойда тўпланиши, билимларини бўлишиши ва суҳбатлашиши ҳисобланади. Ушбу лойиҳа ташкилотчилари сифатида Sitis, Redbull, Smartlab, В1 компаниялари ҳамда ТЧК, CTRL+, «Кафе» кафеси, Bakery Tashkent келтирилган.
Учрашувда Microsoft компаниясининг янги Windows 10 операцион тизими ва Xbox One қурилмаси ҳақида презентация бўлиб ўтади. Тадбирда ушбу соҳа бўйича профессионал мутахассислар билан суҳбатлашиш, улар билан фикр алмашиш мумкин.
- Манзил: Тошкент шаҳри, «Меҳржон» кўчаси 72-уй;
- Мўлжал: «Тошкент» метро бекати;
- Телефон: +99890 930 87 04, +998 90 327 12 25.
Изоҳ (0)