Бельгиялик ўсмир мобил иловилар ичидаги харидлар тизими қурбонига айланди: у Game of War: Fire Age ўйинида турли хил ашёларни сотиб олиш учун деяли 46 минг доллар сарфлаб қўйди, деб хабар бермоқда «Российская газета».
15 ёшли бола фақатгина бепул ўйинларни ўйнашга онаси билан келишган. Бироқ кейинроқ онаси ўғлидан бир нечта электрон китоблар сотиб олиш учун кредит картаси маълумотларини берган. Game of War ўйини шартли бепул ҳисобланса-да, ўйин ичида турли нарсалар сотиб олиш учун пул тўлаш керак. Банк маълумотларини олган ўсмир ҳам ўйинда ҳар хил нарсалар, жумладан олтин сотиб олишга киришиб кетган. Натижада у бир неча ой давомида ота-онасининг ҳисоб рақамидан катта миқдордаги пулни сарфлаб юборган.
Унинг сўзларига кўра, ўйинда ҳақиқий пулларни сарфлаётганини хаёлига ҳам келтирмаган, тизим эса ундан харидни тасдиқлаш учун ҳеч нима сўрамаган.