Айни вақтда оналик бахтидан баҳра олаётган Райхон ўзининг янги таронаси учун клип суратга олди. Бу ҳақда Popcorn.uz хабар берди.
Райҳон яқинда «Не бўлар?» номли таронани ёзиб тугатди. Қўшиқнинг мусиқасини шахсан Райхоннинг ўзи басталаган.
Тез кунларда қўшиқ «Ўзбегим Таронаси» радиосида премьера қилиниши маълум қилинди.
Шўх ва рақсбоп оҳангга эга мазкур тарона учун видеоклип ҳам суратга олинди.
Клипнинг ҳам сюжет, ҳам трек йўналишида бўлиши кутилмоқда. Тасвирга олиш ишлари Тошкентнинг турли масканларида олиб борилди.
Давлат Арабшоев томонидан тайёрланаётган клип учун сюжет ғоясини Райхон ва бутун ижодий жамоа биргаликда ёзди.
Изоҳ (0)