Германиянинг Ганновер шаҳрида паралимпиячилар ўртасида ўқ отиш бўйича халқаро турнир ўтказилди. Унда 2014 йилнинг 18—24 октябрь кунлари Жанубий Кореянинг Инчеон шаҳрида ўтказиладиган ПараОсиё ўйинлари лицензиялари ҳам ўйналди, деб хабар бермоқда Ўзбекистон Миллий Олимпия қўмитаси матбуот хизмати.
Ўзбекистон шарафини ҳимоя қилган Сервер Ибрагимов тўппончадан ўқ отиш бўйича ўтказилган мусобақада 551 балл жамғариб, 1886 нафар спортчи орасида кучли олтиликдан ўрин эгаллади. Ушбу натижа Сервер Ибрагимовга ПараОсиё ўйинларида ҳамда Германиянинг Шул шаҳрида ўтказиладиган жаҳон чемпионатида қатнашиш ҳуқуқини берди.
Шу тариқа, жорий йил Инчеон шаҳрида ўтказиладиган ПараОсиё ўйинларига йўлланмаларни қўлга киритган спортчилар сони 11 нафарга етди.
Қуйида ПараОсиё ўйинларида қатнашиш ҳуқуқини қўлга киритган ўзбекистонлик спортчилар рўйхати берилган:
- Кирилл Панков – сузиш
- Дониёр Солиев – енгил атлетика
- Ҳусниддин Норбеков – енгил атлетика
- Миран Сахатов – енгил атлетика
- Фаррух Мирзақулов – енгил атлетика
- Ёқутхон Холбекова – енгил атлетика
- Фахриддин Ҳамроев – енгил атлетика
- Убайдулла Имомқулов – енгил атлетика
- Искандар Турсунбоев – пауэрлифтинг
- Фарҳод Умрзоқов – пауэрлифтинг
- Сервер Ибрагимов – ўқ отиш
Изоҳ (0)