Toshkentda Turkiyaning O‘zbekistondagi elchixonasi qoshida maktab ochiladi.
Poytaxt hokimining 5-iyundagi qaroriga ko‘ra, Maktabgacha va maktab ta’limi vazirligiga Turkiya elchixonasi qoshidagi maktab binosi qurilishi uchun Shayxontohur tumani “Ko‘hota” mahallasidan 31 sotix yer uchastkasi ajratib beriladi.
Hujjatda keltirilishicha, bu prezidentning O‘zbekiston va Turkiya o‘rtasida ikki tomonlama hamkorlikni yanada kengaytirish va mustahkamlash chora-tadbirlari to‘g‘risidagi qarori ijrosini ta’minlash maqsadida amalga oshirilmoqda.
Bundan tashqari, Toshkent shahar hokimining 3-iyundagi qarori bilan Mirzo Ulug‘bek tumani “Jasorat” mahallasidan 2,5 gektar yer uchastkasi Xorijiy tillarga ixtisoslashtirilgan maktab-internat binosini qurish uchun ajratib beriladi.
Izoh (0)