FIFA Intizom qo‘mitasi AQSH milliy jamoasi hujumchisi Folarin Balogunning JCH-2026 1/16 finali doirasida Bosniya va Gersegovinaga qarshi uchrashuvda (2:0) olgan qizil kartochkasi uchun belgilangan bir o‘yinlik diskvalifikatsiyasini to‘xtatib turishga qaror qildi. Shu tariqa, u pley-offning 1/8 finalidan o‘rin olgan Belgiyaga qarshi bahsda o‘z jamoasiga yordam bera oladi.
“Intizom kodeksining 27-moddasiga muvofiq, AQSH milliy jamoasi o‘yinchisi Folarin Balogunga nisbatan avtomatik diskvalifikatsiya chorasining ijrosi bir yillik sinov muddati bilan to‘xtatib turildi”, deyiladi FIFA rasmiy saytida e’lon qilingan bayonotda.
Eslatib o‘tamiz, avvalroq matbuotda amerikalik forvard bosniyalik Tarik Muxaremovichning to‘pig‘ini bosib olgani sababli bir necha o‘yinga chetlatilishi mumkinligi haqida xabarlar tarqalgan edi. Biroq xalqaro futbol tashkiloti yakunda qarorni o‘yinchi foydasiga hal qildi.
