Prezident administratsiyasi rahbari Saida Mirziyoyeva Fransiya prezidenti Emmanuel Makronga e’tibor va iliq qabul uchun minnatdorlik bildirdi.
Saida Mirziyoyeva uchrashuvda O‘zbekiston prezidentining samimiy tilaklarini yetkazdi.
“Davlatlarimizni eng muhim strategik sohalardagi uzoq muddatli sheriklik munosabatlari bog‘lab turadi. Kelgusida har ikki mamlakat uchun manfaatli bo‘lgan yana ko‘plab tashabbuslar va qo‘shma loyihalarni amalga oshirishimizga ishonaman”, deb yozadi Saida Mirziyoyeva o‘zining Telegram’dagi kanaliga.
Kuni kecha Saida Mirziyoyeva Fransiyaning Yevropa va tashqi ishlar vaziri Jan-Noel Barro bilan uchrashgandi.
“Fransiya O‘zbekistonning Yevropadagi muhim strategik hamkorlaridan biri bo‘lib qolmoqda. O‘zaro aloqalarimiz energetika, transport, infratuzilma, ta’lim va sog‘liqni saqlash kabi sohalarni qamrab oladi. Markaziy Osiyo mintaqasida ishonchli va barqaror hamkor sifatidagi mavqeyimizni saqlab qolgan holda, Fransiya va, umuman, Yevropa bilan sheriklikni kelgusida ham izchil mustahkamlash niyatidamiz”, deb yozgandi Prezident administratsiyasi rahbari.
