Shavkat Mirziyoyevning Rossiya Federatsiyasiga amaliy tashrifi yakuniga yetdi.
Davlat rahbari Sankt Peterburgdagi tadbirlar doirasida 4-iyun kuni Rossiya prezidenti Vladimir Putin bilan uchrashuv oʻtkazdi.
Yetakchilar Oʻzbekistondagi birinchi integratsiyalashgan atom elektr stansiyasi qurilishini boshlash marosimida ishtirok etdi.
Prezident 29-Peterburg xalqaro iqtisodiy forumining tadbirlarida qatnashib, yalpi yigʻilishda nutq soʻzladi.
Tashrif tadbirlari yakunlangach, prezident Toshkent shahriga joʻnab ketdi. “Pulkovo” xalqaro aeroportida oliy martabali mehmonni Rossiya hukumati raisining birinchi oʻrinbosari Denis Manturov va boshqa rasmiy shaxslar kuzatib qoʻydi.
