Tailand poytaxti Bangkok shahrida kikboksing bo‘yicha o‘tkazilgan Jahon Kubogi O‘zbekiston terma jamoasi uchun tarixiy natija bilan yakunlandi. Nufuzli musobaqada dunyoning 32 mamlakatidan 1000 nafardan ortiq sportchi ishtirok etdi.
Bellashuvlar davomida o‘zbekistonlik kikboksingchilar yuksak mahorat va tayyorgarlik darajasini namoyish etib, umumjamoa hisobida 36 ta oltin, 22 ta kumush va 14 ta bronza medalni qo‘lga kiritdi. Shu tariqa, O‘zbekiston terma jamoasi jami 72 ta medal bilan musobaqaning eng muvaffaqiyatli jamoalaridan biriga aylandi.
Avvalroq Mo‘g‘uliston poytaxti Ulan-Bator shahrida o‘tgan boks bo‘yicha Osiyo chempionatida O‘zbekiston boks terma jamoasi 3 ta oltin, 2 ta kumush va 1 ta bronza medalini qo‘lga kiritib, umumjamoa hisobida 3-o‘rinni egallagan edi.
