Angliya Premyer Ligasi 28-turidan o‘rin olgan “Lids” hamda “Manchester Siti” o‘rtasidagi bahs yakuniga yetdi. Lids shahridagi “Ellan Roud” stadionida kechgan bellashuvda “shaharliklar” 1:0 hisobida g‘alaba qozondi.
Uchrashuvdagi yagona gol 45+2-daqiqada “Manchester Siti” futbolchisi Antuan Semenyo tomonidan kiritildi.
Uchrashuvning ikkinchi bo‘limi ham murosasiz, keskin kurashlar ostida o‘tdi. Biroq darvozalar boshqa ishg‘ol qilinmadi.
Natijada, “Manchester Siti” o‘z hisobiga muhim 3 ochkoni yozdirib qo‘ydi. Jamoa ayni paytda APL turnir jadvalida 59 ochko bilan ikkinchi pog‘onani egallab turibdi. “Shaharliklar” yetakchi “Arsenal”dan ikki ochkoga ortda qolmoqda. Mag‘lubiyatga uchragan “Lids” esa 31 ochko bilan 15-o‘rinni band etgan.
Mazkur uchrashuvda “Manchester Siti”ning o‘zbekistonlik himoyachisi Abduqodir Husanov va jamoa to‘purari Erling Holand maydonga tushirilmadi.
Angliya Premyer Ligasi
28-tur
“Lids” — “Manchester Siti” 0:1
Gollar: 0:1 — Semenyo (45+2)
