Angliya Premyer Ligasi 7-turidan o‘rin olgan “Brentford” hamda “Manchester Siti” jamoalari o‘rtasidagi bahs 5-oktyabr, yakshanba kuni bo‘lib o‘tdi. Uchrashuvda “shaharliklar” 1:0 hisobida g‘alaba qozondi.
O‘yindagi yagona gol 9-daqiqada Erling Holand tomonidan kiritildi. Yoshko Gvardiolning uzatmasidan keyin norvegiyalik forvard raqib darvozasini ishg‘ol qildi. Yakunda mazkur gol o‘zining yagonaligini saqlab qoldi va Pep Gvardiola boshchiligidagi “Manchester Siti” muhim 3 ochkoni qo‘lga kiritdi.
Mazkur natijadan keyin “Manchester Siti” hisobidagi ochkolar soni 13 taga yetdi va jamoa turnir jadvalida 5-pog‘onaga ko‘tarilib oldi. Imkoniyatni boy bergan “Brentford” esa 7 ochko bilan 16-o‘rinni band etgan.
O‘zbekiston terma jamoasi himoyachisi Abduqodir Husanov jarohat sabab o‘yin qaydnomasiga kiritilmadi. Ta’kidlash kerakki, futbolchi ketma-ket 4 uchrashuvni o‘tkazib yubordi.
Angliya Premyer Ligasi
7-tur
“Brentford” — “Manchester Siti” 0:1
Gol: 0:1 — Holand (9)
