Angliya Premyer ligasi 17-turidan o‘rin olgan “Manchester Siti” hamda “Vest Hem” o‘rtasidagi bahs yakunlandi. Manchesterdagi “Etihad” stadionida o‘tgan o‘yinda “shaharliklar” 3:0 hisobida g‘alaba qozondi.
Uchrashuvdagi hisob 5-daqiqada Erling Holand tomonidan ochilgan bo‘lsa, 38-daqiqada Tijjani Reynders “Manchester Siti”ning ikkinchi goliga mualliflik qildi. 69-daqiqada Holand dubl qayd etdi va hisobni yirik ko‘rinishga keltirdi. Mazkur hisob o‘yin yakuniga qadar o‘zgarmadi va Pep Gvardiola jamoasi “Arsenal”ni bir ochkoga ortda qoldirgan holda turnir jadvalida 1-o‘ringa ko‘tarilib oldi. “Arsenal” va “Everton” bahsi Toshkent vaqti bilan 01:00 da start oladi.
“Manchester Siti” APL doirasidagi navbatdagi uchrashuvini 27-dekabr kuni “Nottingem Forest”ga qarshi o‘tkazadi.
O‘zbekiston terma jamoasi himoyachisi Abduqodir Husanov 67-daqiqada zahiradan o‘yinga qo‘shildi.
Angliya Premyer ligasi
17-tur
“Manchester Siti” — “Vest Hem” 3:0
Gollar: 1:0 — Holand (5), 2:0 — Reynders (38), 3:0 — Holand (69)
