“O‘zgidromet” tog‘li hududlarda kutilayotgan yog‘ingarchilik hamda havo haroratining o‘zgarishlari sababli yana qor ko‘chishi xavfidan ogohlantirdi.
24—25-fevral kunlari quyidagi hududlarda qor ko‘chishi xavfi bor:
- Toshkent viloyati Bo‘stonliq, Parkent, Ohangaron tumanlari (Chotqol tizmasi tog‘lari);
- Namangan viloyati Pop tumanida.
26—27-fevral kunlari esa quyidagi hududlarda qor ko‘chishi mumkin:
- Qashqadaryo viloyati Dehqonobod, Kitob, Qamashi, Shahrisabz tumanlarida;
- Surxondaryo viloyati Boysun, Qumqo‘rg‘on, Sariosiyo, Uzun tumanlarida;
- Samarqand viloyati Nurobod, Qo‘shrabot, Samarqand, Urgut tumanlarida;
- Jizzax viloyati Baxmal, Zomin tumanlarida;
- Toshkent viloyati Bo‘stonliq, Parkent, Ohangaron tumanlari (Chotqol tizmasi tog‘lari);
- Namangan viloyati Pop tumanida.
“Tog‘li hududlarda istiqomat qiluvchi fuqarolar, dam oluvchilar hamda tog‘li hududlarda harakatlanuvchi haydovchilardan ehtiyotkorlik choralarini ko‘rishlarini so‘raymiz”, deyiladi xabarda.
Bundan avval 21—22-fevral kunlari respublikaning togʻli hududlarida qor ko‘chishi xavfi e’lon qilingandi.
