Angliya Kubogining 1/16 final bosqichi doirasida “Manchester Siti” o‘z maydonida “Solford Siti” jamoasini qabul qildi. “Etihad” stadionida kechgan bahsda “shaharliklar” 2:0 hisobida g‘alaba qozondi.
Uchrashuv “Manchester Siti”ning to‘liq ustunligi ostida boshlandi. Uchrashuvdagi hisob 6-daqiqada ochildi. Mehmonlar himoyachisi Alfi Dorrington o‘z darvozasini ishg‘ol qilib qo‘yib, mezbonlarni hisobda oldinga olib chiqdi. 81-daqiqada Mark Gexi “shaharliklar”ning ikkinchi goliga mualliflik qildi. Ingliz himoyachisi Rayan Sherkining uzatmasini golga aylantirib, uchrashuvga yakuniy nuqtani qo‘ydi — 2:0.
O‘zbekistonlik himoyachi Abduqodir Husanov uchrashuvni asosiy tarkibda boshlab, to‘liq 90 daqiqa harakat qildi.
Angliya Kubogi
1/16 final bosqichi
“Manchester Siti” — “Solford Siti” 2:0
Gollar: 1:0 — Alfi (6, avtogol), 2:0 — Gexi (81)
