Sovuq kunlar yaqinlashar ekan, kinoteatrlar ham eng kutilgan loyihalari bilan jonlanadi. Bu mavsum tomoshabinlarni nafaqat yorqin treylerlar, balki yirik franshizalarning qaytishi, yangi syujetlar va ajoyib vizual effektlar bilan hayratga soladi. Maqolada aynan shu qishda ekranlarga chiqishi kutilayotgan eng diqqatga sazovor filmlar haqida so‘z yuritamiz.
“Fekhem-Holl”
Angliya, 1931-yil. Erik badavlat xonadonga xizmatkor sifatida ishga joylashadi va darrov xo‘jayinning qizi Rouzni o‘ziga maftun etadi. Qahramonning hayoti tinch kechayotgan edi, ammo uyda sodir bo‘lgan g‘alati hodisa uni shubha ostiga qo‘yadi. Endilikda u sirlarni fosh etishi va qizning qalbini zabt etmoqchi bo‘lgan raqibini dog‘da qoldirishi lozim.
Premyera: 4-dekabr
Xususiy detektiv Benua Blank cherkovdagi va’zdan so‘ng vafot etgan janob Jefferson Uiksning sirli o‘limini tekshirish uchun kichkina shaharchaga tashrif buyuradi. Guvohlar orasida cherkov a’zolari Marta Delakrua, doktor Net Sharp, advokat Vera Dreven va yozuvchi Li Ross bor. Yosh ruhoniy Jad Dyuplentisi tergovda yordam beradi va o‘z sirlarini yashiradi.
Sevimli detektiv franshizaning yangi qismida Daniel Kreygdan tashqari Mila Kunis, Josh O‘Konnor, Glenn Klouz, Endryu Skott, Josh Brolin, Jeremi Renner rollarni ijro etgan.
Premyera: 12-dekabr
Jeyk Salli va uning oilasi Na’vilar orasida yashashmoqda. Ular Varang boshchiligidagi yangi qabila - Kul odamlari bilan to‘qnashadi. Qahramonlar o‘z uylarini va yaqinlarini himoya qilishlari kerak, Pandora dunyosi esa yana larzaga kelish arafasida turibdi.
Premyera: 17-dekabr
Bir guruh do‘stlar (Jek Blek va Pol Radd boshchiligida) sevimli “Anakonda” filmining qayta ishlangan variantini suratga olish uchun changalzorga yo‘l olishadi. Suratga olishning asosiy “yulduzi” bo‘lgan ilon halok bo‘lgach, ular xavf-xatarga to‘la o‘rmonning ichkarisidan uning o‘rnini bosuvchi ilonni topishga majbur bo‘ladilar. Xavflar orasida ulkan anakonda ham bor bo‘lib, u qayiqni ag‘darib yuboradi va do‘stlarni omon qolish ko‘nikmalarini hamda sirk tryuklarini eslashga majbur qiladi.
Premyera: 24-dekabr
Yosh va shijoatli Marti Mauzer stol tennisi bo‘yicha chempion bo‘lish uchun barcha imkoniyatlardan foydalanadi. U o‘z orzusi yo‘lida raqobat, hasad va qiyinchiliklarga duch keladi, ammo imkonsiz narsaning o‘zi yo‘qligini isbotlash uchun hech narsadan qaytmaydi.
Premyera: 25-dekabr
Dunyo global falokatlarni boshidan o‘tkazganiga besh yil bo‘ldi. Grenlandiyada yashash imkonsiz bo‘lib qoladi, chunki omon qolganlarga yangi xavf tahdid solmoqda. Endi omon qolganlar xavfsiz joy izlab xatarli sayohatga chiqishga majbur.
Premyera: 8-yanvar
Davidga Janubiy Amerikadan sirli jo‘natmani yetkazib berish vazifasi topshiriladi. U o‘zining sobiq sevgilisi Tess, uning o‘g‘li Leo va jo‘natmani tashish uchun foydalanayotgan sodda hamkasbi Stefan bilan birga kruiz kemasiga tushadi. Ammo tasodifan jo‘natmani ochib qo‘yganda, hamma narsa chappasiga ketadi: yoqimtoy kichkintoy Marsupilami paydo bo‘ladi va sayohat tartibsizlikka aylanadi.
Premyera: 26-fevral
