“Manchester Yunayted” klubi kelasi yil bir qancha futbolchilarni sotib olishni rejalashtirmoqda. Bu haqda talkSPORT nashri xabar berdi.
Manbaga ko‘ra, jamoa bosh murabbiyi Ruben Amorim markaziy yarim himoya chizig‘ini yanada tezkor va jismonan kuchli futbolchilar bilan mustahkamlashni istamoqda. Shu maqsadda “qizil iblislar” olti nafar futbolchidan iborat nomzodlar ro‘yxatini tuzib chiqqan.
Mankunianliklar “short-listi”dan “Brayton” futbolchisi Karlos Baleba, “Nottingem Forest” vakili Elliot Anderson, “Kristal Pelas” yarim himoyachisi Adam Uorton, “Shtutgart” futbolchisi Anxelo Shtiller, Madridning “Atletiko” klubida to‘p surayotgan Konor Gallaher hamda “Chelsi” futbolchisi Andrey Santos joy olgan.
Qayd etilishicha, klub yozda bir qancha yetakchilarini, jumladan Brunu Fernandesh va Kobbi Maynu kabi futboolchilarni sotish variantini ham ko‘rib chiqmoqda.
Avvalroq “Manchester Yunayted” qishki transfer oynasi vaqtida “Real Madrid”ning braziliyalik hujumchisi Endrikni ijaraga olmoqchi ekanligi haqida xabarlar tarqalgandi. Shuningdek, himoyachi Harri Maguayr klub bilan yangi shartnoma imzolash uchun maoshini kamaytirishga tayyor ekanligi aytilgandi
Ma’lumot uchun, “Manchester Yunayted” Angliya Premyer Ligasi 8-turidan keyin turnir jadvalida 13 ochko bilan 9-o‘rinni egallab turibdi.
