Oʻzbekiston aholisining qancha qismi sport bilan shugʻullanishi maʼlum qilindi. Bu haqda Milliy statistika qoʻmitasi xabar qildi.
Qayd etilishicha, 2025-yilning yanvar—avgust oylarida jismoniy mashgʻulotlar bilan shugʻullanuvchi shaxslar ulushi 68,3 foizni tashkil etgan. Bu koʻrsatkichlar uy xoʻjaliklarining tanlanma kuzatuvlari asosida shakllantirilgan.
Jismoniy mashgʻulotlar bilan shugʻullanadigan fuqarolar ulushi 2021-yilda 60,9 foiz, 2022-yilda 62,3 foiz, 2023-yilda 63,7 foiz, 2024-yilda 67,8 foiz va 2025-yilning 8 oyi ichida 68,3 foizni tashkil etgan.
Aholining ushbu qatlami 5 yilda qariyb 8 foizga oshgan.
Maʼlumot uchun, joriy yilning yanvar—iyul oylarida sport, koʻngilochar va dam olishni tashkil qilish sohasidagi xizmatlar hajmi 2,5 trillion soʻmni tashkil etgandi. Mazkur xizmatlarning eng katta qismi, yaʼni 1 063,5 milliard soʻmi Toshkent shahrida koʻrsatilgan.
Avvalroq Olimpiya shaharchasida barcha sport bilan shug‘ullanishi mumkin bo‘lishi ma’lum qilingandi.
