Klublar o‘rtasidagi Jahon chempionatining chorak finalchilari ma’lum bo‘ldi. Opta jamoalarning musobaqada g‘olib chiqish imkoniyatini baholadi. Unga ko‘ra, musobaqaning asosiy favoriti sifatida Angliyaning “Chelsi” klubi ko‘rsatilgan. London klubi turnirda g‘olib chiqish ehtimoli 26,8 foiz deb baholangan.
Ikkinchi o‘rinda Fransiyaning “PSJ” klubi joy olgan bo‘lib, parijliklarning bosh sovringa ega chiqish ehtimoli 24,9 foizni tashkil qiladi. Kuchli uchlikni esa “Real Madrid” yakunlab turibdi (16,9%).
Opta nashriga ko‘ra, Klublar o‘rtasidagi Jahon chempionatida jamoalarning g‘alaba qozonishi imkoniyati:
- “Chelsi” — 26,8 foiz
- “PSJ” — 24,9 foiz
- “Real Madrid” — 16,9 foiz
- “Bavariya” — 14,8 foiz
- “Borussiya Dortmund” — 7,6 foiz
- “Al-Hilol” — 4,3 foiz
- “Palmeyras” — 3 foiz
- “Fluminense” — 1,5 foiz
Ma’lumot uchun, musobaqaning chorak final uchrashuvlari 4-iyuldan 5-iyulga o‘tar kechasi boshlanadi.
Chorak final juftliklari bilan tanishing:
- “Palmeyras” (Braziliya) — “Chelsi” (Angliya)
- “Fluminense” (Braziliya) — “Al-Hilol” (Saudiya Arabistoni)
- “PSJ” (Fransiya) — “Bavariya” (Germaniya)
- “Real Madrid” (Ispaniya) — “Borussiya Dortmund” (Germaniya)
