Namangan viloyatida joylashgan Mavlono qabristoni yoqib yuborilgani, katta yong‘in sodir bo‘lgani haqida video tarqaldi. FVB holat yuzasidan ma’lumot berdi.
Unga ko‘ra, Yangi Namangan FVBga soat 14:56 da tumanning Ko‘zgu ko‘chasidagi Mavlono qabristonda qurigan o‘tlar yonayotgani haqida xabar kelib tushgan. Xabarga asosan yong‘in qutqaruv ekipaji soat 15:09 da yetib borib, yong‘in soat 15:29 da qutqaruvchilar tomonidan bartaraf etildi.
Yong‘in natijada qabriston hududidan 50 kv.m joyi yonib zararlangan.
So‘nggi vaqtlarda sodir bo‘lgan yong‘inlar
2024-yilning 13-oktyabr kuni Yunusobodda yangi qurilayotgan binoning tomi yonib ketgandi. 16-oktyabrda esa Mirobod tumanida joylashgan “Miran” mehmonxonasining qurilishi davom etayotgan eski binosida yong‘in chiqdi.
Shuningdek, 20-oktyabr kuni soat 16:54 da Shayxontohur tumanidagi Bildirish tor ko‘chasida joylashgan xonadonlarda yong‘in sodir bo‘ldi.
Bundan tashqari, Olmazor tumani “Chinobod” MFY, Sag‘bon 30-berk ko‘chasida joylashgan 5-uydagi xonadonlarning birida 31-oktyabr kuni soat 02:13 da yong‘in sodir bo‘ldi.
20-noyabr kuni Toshkent shahar Mirzo Ulug‘bek tumani, “Lashkarboshi” MFY Niyozbek yo‘li ko‘chasida joylashgan umumiy ovqatlanish joyining dudburonida yong‘in sodir bo‘ldi.
31-dekabr kuni Chilonzor tumanidagi ovqat tayyorlash joyida yong‘in sodir bo‘lgan edi.
2025-yil 25-fevral kuni Toshkent shahrining Yashnobod tumani, Aviasozlar 4-dahasida joylashgan avtomobillar yuvish joyida yong‘in sodir bo‘lgandi.
