Ispaniya La Ligasi 35-turi doirasidagi “Barselona” va “Real” o‘rtasidagi bahs yakuniga yetdi. Qiziqarli va gollarga boy o‘tgan bellashuvda kataloniyaliklar 4:3 hisobida g‘alaba qozondi.
Uchrashuvda madridliklar tezkor gol kiritishdi. 5-daqiqada Kilian Mbappe penaltidan hisobni ochgan bo‘lsa, 14-daqiqada o‘zining dublini rasmiylashtirdi. 19-daqiqada “Barselona” hisobni bittaga qisqartirdi. Gol muallifi — Erik Garsiya. 31-daqiqada Yamal tablodagi natijani 2:2 ko‘rinishiga keltirgan bo‘lsa, 34-daqiqada Rafinya “ko‘k-anorranglilar”ning 3-goli muallifiga aylandi. Birinchi bo‘lim yakuni arafasida Rafinya o‘zining dublini rasmiylashtirib, hisobni 4:2 ko‘rinishiga keltirib qo‘ydi.
70-daqiqada Mbappe 3-marta “Barselona” darvozasiga yo‘l topib, “El-Klasiko”da xet-trik qayd etdi.
Mazkur hisob bahs oxirigacha o‘zgarmadi va “Barselona” navbatdagi g‘alabasini qo‘lga kiritdi. Hansi Flik jamoasi hozirda 82 ochko bilan La Liga turnir jadvalida yetakchilik qilmoqda. “Real” esa 75 ochko bilan 2-o‘rinni band etgan.
La Liga
35-tur
11-mart, yakshanba
“Barselona” — “Real” 4:3
Gollar: 0:1 — Mbappe (5), 0:2 — Mbappe (14), 1:2 — Garsiya (19), 2:2 — Yamal (32), 3:2 — Rafinya (34), 4:2 — Rafinya (45), 4:3 — Mbappe (70).
