Toshkent shahrida BYD katta tezlikda Yutong avtobusiga borib urildi. Holat aks etgan video ijtimoiy tarmoqlarda tarqaldi.
Poytaxt IIBB YHXB matbuot xizmatining ma’lum qilishicha, holat 8-fevral kuni soat 07:15 larda Yunusobod tumani TXAY ko‘chasida sodir bo‘lgan. 1983-yilda tug'ilgan haydovchi A.S. boshqaruvidagi BYD 1992-yilda tug'ilgan haydovchi S.A. boshqaruvida bo‘lgan Yutong rusumli avtobus orqasiga borib urilgan.
YTH natijasida tan jarohat olganlar yo‘q. Hodisa yuzasidan surishtiruv ishlari olib borilmoqda.
Toshkentda 8-fevral kuni mast holatdagi haydovchilar ishtirokida ikkita YTH sodir bo‘lgandi. Qarshida drift qilishga urinish oqibatida ikki yigit halok bo‘lgandi.
O‘zbekistonda 2024-yilda 9364 ta yo‘l-transport hodisasi sodir bo‘lgan. Buning oqibatida 2203 kishi vafot etgan, 8901 nafari tan jarohati olgan.
