O‘zbekiston armiyasi dunyoning eng kuchli armiyalari reytingida 145 mamlakat ichida 58-o‘rinni egalladi. Bu haqda Global Firepower sayti xabar berdi.
O‘zbekiston mazkur natija bilan o‘tgan yilgi ko‘rsatkichidan 7 pog‘ona yuqorilagan.
Markaziy Osiyo mamlakatlari nechanchi o‘rinda?
Markaziy Osiyo mamlakatlari orasidan esa Qozog‘iston 57 (o‘tgan yili 58), Turkmaniston 77 (83), Qirg‘iziston 105 (100), Tojikiston 108 (107) o‘rinni egallagan.
Dastlabki o‘nlikdan qaysi davlatlar joy olgan?
Reytingdagi kuchli o‘nlikdan AQSH, Rossiya, Xitoy, Hindiston, Janubiy Koreya, Buyuk Britaniya, Fransiya, Yaponiya, Turkiya va Italiya armiyalari o‘rin olgan.
O‘zbekistonning avvalgi yillardagi o‘rni
Ma’lumot uchun, dunyodagi eng kuchli armiyalar reytingida O‘zbekiston armiyasi 2024-yili 65-o‘rinni egallagandi.
Global Firepower’ning 2023-yilgi reytingida O‘zbekiston armiyasi 62-o‘rinni olgandi.
2022-yilgi reytingda esa O‘zbekiston armiyasi 54-o‘rinni egallagan.
Shuningdek, 2019-yili O‘zbekiston armiyasi Markaziy Osiyoda eng kuchli deb topilgandi.
Ushbu reyting 60 ta ko‘rsatkich inobatga olingan holda tuziladi. Uni tuzishda geografik omillar, tabiiy zaxiralar, moliyaviy barqarorlik va mahalliy sanoatning rivojlangani ham ahamiyatga ega. Armiyalarning qudratliligini baholashda yadro quroli borligi, dengizga chiqishga ega bo‘lmagan davlatlarda flot yo‘qligi hisobga olinmaydi.
Izoh (1)
ha Uzbekiston qancha oldilad deyapsiz ! siz o'ylab ko'ringchi mustaqillikimizga adashmasam 33 yil tóldi. qarangda biz har yili 5-7 pog'ona yuqorilab kelyapmiz unda 33 yilni 5 ga ko'paytirsak necha bo'lib ketadi ekan undan ko'ra shu harbiylarni safarbar qilganlarni yani mudofaa ishlari bo'limmalari ishchilariga raxmat aytish kerak emasmi!
Yes, how many years have passed since Uzbekistan came to power! Think about it, if I'm not mistaken, it's been 33 years since our independence. Look, we're moving up 5-7 places every year, so if we multiply 33 years by 5, how many years will it be? Shouldn't we thank those who mobilized these soldiers, that is, the workers of the defense departments!