O‘zbekiston hududiga 8—11-dekabr kunlari sovuq havo massalari kirib kelishi kutilmoqda. Bu haqda “O‘zgidromet” xabar berdi.
Maʼlum qilinishicha, havo harorati kechalari 5-10 daraja sovuqqacha, kunduz kunlari 0-5 daraja sovuqqacha pasayadi. Shuningdek, shimolda kechalari 8-13 daraja sovuq, kunduz kunlari 2-7 daraja sovuq bo‘ladi.
8-dekabr kuni esa respublikaning baʼzi joylarida qor yog‘adi. Shu kuni ayrim joylarda shamol tezligi 13-18 metr/sekundgacha kuchayishi mumkin.
Avvalroq 6—7-dekabr kunlari quruq ob-havo saqlanib turishi, faqat respublika shimolida shanba kuni baʼzi joylarda biroz qor yog‘ishi mumkinligi haqida xabar berilgandi. Baʼzi joylarga tuman tushishi kutilmoqda.
