O‘zbekiston 2013—2023-yillarda oltin zaxiralarini faol oshirayotgan davlatlar ro‘yxatida oltinchi o‘rinni egalladi. Bu haqda Jahon oltin kengashining hisobotida ma’lum qilindi.
O‘n yil ichida O‘zbekistonning oltin zaxirasi 154 tonnaga oshgan.
Zaxiralarni oshirish bo‘yicha Rossiya yetakchi bo‘ldi — 1,3 ming tonna. Xitoy 1,2 ming tonna bilan ikkinchi, Turkiya esa 424 tonna bilan uchinchi o‘rinni egalladi.
Qozog‘istonda oltin zaxiralari 151 tonnaga oshgan bo‘lib, bu mamlakat dunyo reytingida yettinchi o‘rinda turibdi.
Markaziy banklarning qariyb 29 foizi 2025-yilda oltin zaxiralarini oshirishni rejalashtirmoqda, bu 2018-yildan beri eng yuqori ko‘rsatkichdir.
