Namangan viloyatida yuk mashinasi bilan to‘qnashgan Gentra’ni voyaga yetmagan bolalar ijaraga olib boshqarib ketayotgan bo‘lgan. Bu haqda Namangan viloyati IIB YHXB axborot xizmati “Daryo”ga ma’lum qildi.
Namangan shahrida 2-oktyabr kuni Gentra va “Zil” to‘qnashib ketgan. Aniqlanishicha, 5 nafar maktab va texnikum o‘quvchilari tomonidan Gentra ijaraga olingan. Voyaga yetmagan yigit katta tezlikda boshqaruvni yo‘qotib, yo‘lni ajratib turuvchi beton to‘siqdan o‘tib, qarama-qarshi yo‘nalishga chiqib “Zil” bilan to‘qnashgan.
Gentra’ni boshqargan 17 yoshli haydovchi yo‘lda vafot etgan. Qolgan 4 nafar (3 nafari 17 yosh, bir nafari esa 15 yosh) jabrlanuvchi esa og‘ir ahvolda jonlantirish bo‘limida qolmoqda.
