Toshkent mezbonligida o‘tayotgan boks bo‘yicha Jahon chempionatining yarim finalidan o‘rin olgan janglar 12-may, juma kuni bo‘lib o‘tmoqda.
-51 kg vazn toifasida Hasanboy Do‘stmatov ispaniyalik Martin Molinaga qarshi jang qildi. Birinchi raundda barcha hakamlar Hasanboyning ustunligini qayd etdi. Ikkinchi raundda ham Do‘stmatov raqibiga imkon qoldirmadi. Uchinchi raundni ham o‘z foydasiga hal qilgan o‘zbekistonlik bokschi finalga yo‘l oldi.
Hasanboy ushbu bosqichga qadar marokashlik Said Mortaji, Meksika vakili Alberto Ximenes, kubalik Erislan Romero va yaponiyalik Tomoya Suboini mag‘lub etgandi.
Yarim final bahslarida Bahodir Jalolov (+92 kg), Oybek Jo‘rayev (-54 kg), Asadxo‘ja Mo‘ydinxo‘jayev (-67 kg) o‘z janglarida g‘alaba qozonib, finalga yo‘l oldi. A’loxon Abdullayev (-75) va Lazizbek Mullajonov (-92 kg) esa bronza medalini qo‘lga kiritdi.
Shuningdek, kechki dasturda Abdumalik Halokov (-57 kg), Ruslan Abdullayev (-63,5 kg) va Saidjamshid Ja’farovlar (-71 kg) final yo‘llanmasi uchun jang qiladi.
Izoh (0)