Bugun,

  • USD 11095.31
  • RUB 173.84
  • EUR 10772.44

Bosh vazir Abdulla Aripov hamda Prezident administratsiyasi rahbari Sardor Umurzoqov ishtirokida Sirdaryo viloyatida bo‘lib o‘tayotgan yig‘ilishda viloyatni yanada rivojnatirish masalalariga to‘xtalib o‘tildi.

Foto: Prezident administratsiyasi

Foto: Prezident administratsiyasi
Navoiy viloyatiga bo‘lgan kechagi tashrifda prezident tomonidan  5 ta yangi tashabbus ilgari surilgan. Bular:
  • elektr energiyasini tejash;
  • “Yashil makon” loyihasini namunaviy tashkil etish va shu doirasida dalalar bo‘yida tut va uzum ekish;
  • yaylovlarni ishga solish orqali echkichilik va qo‘ychilikni keskin rivojlantirish;
  • infratuzilma obyektlari qurilishida resurslarni 30 foizgacha tejash;
  • yoshlar bilan ishlash va ularni har tomonlama qo‘llab-quvvatlash.
Bu tashabbuslarning har biri Sirdaryoga ham bevosita tegishli. Kerak bo‘lsa, Navoiy viloyatidan o‘tishi kerak, — deydi Sardor Umurzoqov.
Qayd etilishicha, “Yashil makon” dasturini amalga oshirishda viloyat namunaviy hududga olib chiqiladi. Buning uchun yangi choralar amalga oshiriladi:
  • barcha fermerlar tomonidan dala chetlariga tut va uzum ekish tizimi yo‘lga qo‘yiladi;
  • viloyatning barcha mahallasida rayhon va yalpiz ekish, qayta ishlash va sotish namunaviy tizimi yaratiladi;
  • ushbu tashabbusni amalga oshirish uchun barcha sharoitlar hozirlanadi.

Foto: Prezident administratsiyasi

Foto: Prezident administratsiyasi

Viloyatda infratuzilma obyektlari qurilishida resurslarni 30 foizgacha tejash namunasini amalga oshirishga mas’ul va javobgar viloyat prokurori hisoblanadi.  Viloyatda bir so‘m ham o‘g‘irlanmaydigan, korrupsiyasiz, shaffof tizim yo‘lga qo‘yiladi.

Umurzoqovning ta’kidlashicha, eng asosiy maqsad yangi hokim barcha sektor rahbarlari bilan bir yil davomida viloyatni ishsizlikdan xoli hududga aylantirishi hisoblanadi.

Unga muvofiq, 2023-yilda qo‘shimcha viloyatda 100 mingta ish o‘rini yaratiladi:

  • qishloq xo‘jaligida – 45,2 ming;
  • investitsiya loyihalarini ishga tushirish hisobiga – 19,8 ming;
  • xizmatlar sohasini rivojlantirish hisobiga – 22,6 ming;
  • yangi tadbirkorlik subyektlarini tashkil etish va “Oilaviy tadbirkorlik” dasturi doirasida – 12,4 ming.
Avvalroq Shavkat Mirziyoyevning tegishli farmoni bilan Akmal Mahmudaliyev zimmasiga Sirdaryo viloyati hokimi vazifasini bajarish yuklatilgan edi.

Izoh
Asosiy yangiliklar
Dunyo
Oxirgi 100 yil ichida sodir bo‘lgan dunyodagi eng kuchli 10 ta zilzila (video+foto)
Dunyo
Polsha bosh vaziri Ukrainadagi urush uchinchi jahon urushiga aylanishini prognoz qildi
Mahalliy
O‘zbekistonda dollar kursi yana oshdi