Krishtianu Ronaldu 5 ta Jahon Chempionatida gol urgan tarixdagi ilk futbolchiga aylandi

Portugaliya terma jamoasi hujumchisi Krishtianu Ronaldu JCH—2022 1-turi doirasida kechgan Ganaga qarshi uchrashuvda (3:2) gol muallifiga aylandi.

Bu Ronaldu uchun mundiallardagi 8-gol bo‘ldi. Bu orqali Krishtianu Diyego Maradona, Rudi Fyoller va Rivaldoga yetib oldi. Bundan tashqari Lionel Messini (7) ortda qoldirdi.

Krishtianu 5 ta mundialda gol urgan ilk futbolchiga aylandi. Portugaliyalik futbolchi bu borada to‘rtta Jahon Chempionatida to‘p kiritgan Pele (Braziliya), Uve Zeyeler, Miroslav Kloze (ikkisi Germaniya) va Messidan (Argentina) o‘zib ketdi.

Portugaliya sardori Jahon Chempionatlarida qatnashish bo‘yicha rekordni takrorladi. Bu Ronaldu uchun 5-mundial bo‘ldi. Undan avval bunday natijaga Antonio Karbaxal (Meksika), Lotar Matteus (Germaniya), Rafa Markes (Meksika), Janluiji Buffon (Italiya) va Messi (Argentina) erishgandi.