Bugun,

  • USD 11095.31
  • RUB 173.84
  • EUR 10772.44

Adliya vazirligi tomonidan “Nogironligi bo‘lgan bolalarga va odamning immunitet tanqisligi virusini keltirib chiqaradigan kasallikka (OIV infeksiyasiga) yoki hayot uchun xavfli va surunkali rivojlanadigan kam uchraydigan (orfan) kasalliklariga chalingan 18 yoshgacha bo‘lgan shaxslarga nafaqa tayinlashni soddalashtirish chora-tadbirlari to‘g‘risida”gi hukumat qarori loyihasi ishlab chiqildi.

Loyiha bilan quyidagi qulayliklar nazarda tutilmoqda. Bunda quyidagi shaxslar haqidagi ma’lumotlar vakolati organlar tomonidan avtomatik ravishda Budjetdan tashqari pensiya jamg‘armasiga yuboriladi va ularning qo‘shimcha murojaatlarisiz nogironlik nafaqasi tayinlanadi:

  • 18 yoshgacha bo‘lgan shaxslarni tibbiy ko‘rikdan o‘tkazish natijasida nogironligi bo‘lgan shaxs deb topilganda;
  • odamning immunitet tanqisligi virusini keltirib chiqaradigan kasallikka (OIV infeksiyasiga) chalingani aniqlanganda;
  • hayot uchun xavfli va surunkali rivojlanadigan kam uchraydigan (orfan) kasalliklariga chalingani aniqlanganda.
Amaldagi tartibga ko‘ra, shaxs “nogironligi bo‘lgan shaxs deb topilganda” yoki “kasallikka chalingani aniqlanganda” fuqarolar Yagona interaktiv davlat xizmatlari portali orqali yoki Davlat xizmatlari markaziga kelgan holda nafaqa tayinlash uchun Budjetdan tashqari pensiya jamg‘armasiga murojaat qilishi lozim edi. Endilikda bunday ovoragarchiliklarga chek qo‘yilib, ushbu nafaqalar kompozit shaklida fuqarolarning mazkur organlarga qo‘shimcha murojaatlarisiz tayinlanadi.

Bu bilan aholining ushbu davlat organlariga qo‘shimcha ovora bo‘lib borishiga, kutishiga va vaqtini yo‘qotishiga chek qo‘yiladi. Mazkur loyiha qabul qilinishi mamlakatda nogironligi bo‘lgan shaxslarni davlat tomonidan qo‘llab-quvvatlashga, ularga qulay davlat xizmatlari ko‘rsatishga xizmat qiladi.

Izoh
Asosiy yangiliklar
Mahalliy
Rossiya bosh vaziri Mishustin O‘zbekistonga keldi (foto)
Dunyo
“Daryo” kundaligida 1-dekabrda sodir bo‘lgan eng muhim voqealar
Dunyo
Eronda mamlakat terma jamoasining JChdagi mag‘lubiyatini nishonlagan yigit otib o‘ldirildi