Bugun,

  • USD 11095.31
  • RUB 173.84
  • EUR 10772.44

“Qaysarginam”, “Notanish qotil” filmlari va “Ko‘cha” serialidagi roli orqali tomoshabinlarning qalbidan joy olgan aktyor, rejissor, prodyuser Azamat Ahrorov giv konkursi sabab katta pulga tushgani, ikki yilda 300-400 ming dollar ishlab topgani, kliplarga qanchaga suratga tushishi va oylik xarajati va daromadi haqida gapirdi.

Azamat Ahrorov giv sabab katta pulga tushgani haqida

“Giv qildim, harom aralashdi. Elyor Ahmedov degan bola keldi, giv qilamiz, 80 foizi meniki, 20 foizi sizniki dedi. U xalqdan 15 yoki 20 ming dollar pul yig‘gan. Menga 1000 dollar berdi, aslida 8000 dollar berishi kerak edi, undan tashqari sovg‘a olishim kerak edi. Menga 1200 yoki 2000 dollar bergan, bilmayman. U 190 ta yoki 200 ta homiydan pul olgan. Har kimdan har xil pul olgan. Menga kelib boshlaylik deyapti, men esa pulimni so‘radim. Yuzim ketib bo‘lgan, men homiylarning “garant”ini yopib berishim kerak. Garant yopaman deb reklama qilyapman, pul yo‘q. Givda na pul bor, na sovg‘a bor. Keyin givni shaxsiy pulimdan o‘ynadim.

Foto: Instagram /@azamat_axrorov

Foto: Instagram /@azamat_axrorov

U bolani kimdir pichoqladimi, bir narsalar bo‘lib ketdi. Hozir u to‘ylarda boshlovchilik qilib yuribdi, meni ko‘rsa qochadi. Ochiq aytaman, bu “mashenniklik”. Masalan, hozir givga mashina qo‘yyapti, ertasi kuni borib qarasangiz, Sergelida bozorda turgan bo‘ladi. Qaysidir givimda harom aralashganini bildim, men bu jarayondan o‘tib bo‘lganimdan keyin shuni bildim. Bilganimdan keyin, avtohalokatga uchradim — shu jarlikka tushib ketganim ishlarimga harom aralashganidan”, — deydi aktyor.

Aktyor ikki yilda 300-400 ming dollar ishlab topgani va hayoti davomida birorta qizga sovchi qo‘ymagani to‘g‘risida

“Hayotimda shu paytgacha birorta qizga sovchi qo‘ymaganman. Qaysidir qizlar, aktrisalar oldimda yurgan, yonimda bo‘lgan yoki uyimda yashagan bo‘lishi mumkin. Ular o‘ziga yoqadigan ssenariy qilib olgan. Men hech kimga sovchi qo‘yib ota-onamni yuborganim yo‘q. Aytishim kerak bo‘lgan va aytmasligim kerak bo‘lgan gaplar bor. Men pulim bo‘ladimi yoki bo‘lmaydimi, kambag‘al bo‘lamanmi, erkak kishiman, shunga mos bo‘lishim kerak. Men kimdir uchun yurib turib boshimni ko‘tarib yura olmayman.

Undan ko‘ra o‘zim qiynalib ishimni qilaman. Ular gapiraversin, men u gapni o‘zimga ep ko‘rmayman. Men 2019-yildan beri, ikki yil ichida 300-400 ming dollar pul topdim. Qaysidir boyning qizini olganimda ham butun umrimga 100 ming dollar pul berardi. Lekin men hech kimga bo‘yin egmay shu pulni o‘zim topyapman”, — deydi Azamat Ahrorov.

Foto: Instagram /@azamat_axrorov

Foto: Instagram /@azamat_axrorov

“Kulgim keladi, meni klipga chaqirishyapti, men esa 1500-2000 dollardan kamiga klipga chiqmayman deyapman. Xo‘p, blogerlar ham 700-800 dollardan chiqyapti-ku, ular ham o‘ynaydi, biroq men aktyorman. Men boshqa pul keladigan joy yo‘q. Yilida bitta yoki ikkita klipda o‘ynashim mumkin. Shuning uchun shunaqa narxni so‘rayman. Aka, Instagram’ga qo‘yib berasizmi, deb so‘raydi. Klipda o‘ynashimning Instagram’ga aloqasi yo‘q. Meni aktyor deb olyaptimi, klipni olib xohlagan joyiga qo‘ysin. Bu arzon tanilish yoki piar qilish hisoblanadi”, — deydi aktyor.

Azamat Ahrorov oylik daromadi va xarajatlari haqida

“Oxirgi serialda suratga tushganimda, kuniga 1000 dollar gonorar oldim. Endi hozir 8 kunlik ishimni pulini, ya’ni 8000 dollar oldim. Bir kunlik gonorarim qolib ketgan, suratga olish ishlari tugagani uchun hali bu pulni olmadim. Kunlik, biznes ishlariga to‘lashimdan tashqari oyiga 3000-4000 dollar ketadi, oilaviy xarajatlarga, mashinaning benziniga, umumiy shu pul ketadi. Topishim esa, masalan, oyiga 10 000 dollar topaman. Undan tashqari, kinodan ham pul topaman. Masalan, bitta serialdan 500 million ham topishim mumkin. Lekin bu pulni bir yilda yoki olti oyda topishim mumkin. O‘zimga ishlatmayman. Kinodan topadigan pulimni boshqa hech narsaga aralashtirmayman, masalan, kinodan 1 milliard topsam, shu pul hisobimda turgan bo‘ladi”, — deydi Azamat Ahrorov.

Foto: Instagram /@azamat_axrorov

Foto: Instagram /@azamat_axrorov

Mavzuga doir:

Izoh
Asosiy yangiliklar
Mahalliy
Huquq faoli Nukus voqealarida gumonlanayotganlar qiynoqqa solinmaganini aytmoqda
Dunyo
“Daryo” kundaligida 30-noyabrda sodir bo‘lgan eng muhim voqealar
Mahalliy
Kontrabanda sigaretalar ko‘proq qaysi viloyatlar chegaralaridan olib o‘tilmoqda? Bojxonachi javob berdi