Bugun,

  • USD 11014.01
  • RUB 191.8
  • EUR 10674.78

Joriy yil 10—15-avgust kunlari savdo-iqtisodiy aloqalarni rivojlantirish maqsadida O‘zbekistonning Aqtaudagi Bosh konsulxonasi tomonidan Xorazm viloyati hokimi o‘rinbosari Sherzod Ismailov, Urganch tumani hokim o‘rinbosari Abbos Qurbonniyozov, Yangibozor tumani hokimi o‘rinbosari G‘ayrat Ro‘zmetov va “Urganch fayz servis” MCHJ direktori Husenboy Atayevlardan iborat delegatsiyaning Qozog‘istonning Atirau va Mang‘istau viloyatlariga tashrifi tashkil etildi. Bu haqda Dunyo axborot agentligi xabar qildi.

Foto: Dunyo axborot agentligi

Foto: Dunyo axborot agentligi

Qayd etilishicha, tashrifning birinchi kunida Xorazm viloyati delegatsiyasining Atirau viloyati hokimi Serik Shapkenov bilan uchrashuvi tashkil etilgan. Unda o‘zaro savdo-iqtisodiy aloqalarni rivojlantirish, qishloq xo‘jaligi va to‘qimachilik sanoatida hamkorlik istiqbollari yuzasidan muzokaralar olib borilgan.

Xususan, Xorazm viloyati delegatsiyasining Atirau viloyatiga qishloq xo‘jaligi va to‘qimachilik mahsulotlarini eksport qilish bo‘yicha bildirgan tijorat takliflari, shuningdek, Atirau viloyatida Xorazm viloyatining savdo uyini ochish va viloyatda qo‘shma issiqxona kompleksini tashkil etish tashabbuslari Atirau viloyati hokimi tomonidan qo‘llab-quvvatlangan.

“Atameken” Qozog‘iston tadbirkorlar milliy palatasi Atirau viloyati bo‘limida o‘tkazilgan uchrashuvda “Atameken” Qozog‘iston Respublikasi tadbirkorlar milliy palatasi Atirau viloyati bo‘limi direktori Nurlan Suyunbayev, viloyatning davlat tushumlari departamenti, favqulodda vaziyatlar departamenti, davlat arxitektura va qurilish boshqarmasi, Qozog‘iston Respublikasi Qishloq xo‘jaligi vazirligi agrosanoat kompleksidagi davlat inspeksiyasi qo‘mitasining hududiy inspeksiyasi vakillari, shuningdek, viloyatdagi “Ideal”, “Lider”, “Yarmarka” va “Marko” kabi yirik savdo markazlari rahbarlari ishtirok etgan.

Xorazm viloyatining qishloq xo‘jaligi mahsulotlari eksporti salohiyati va Atirau viloyatidagi savdo markazlarining ushbu mahsulotlarga bo‘lgan ehtiyoji yuzasidan ham atroflicha fikr almashilgan.

Uchrashuv so‘nggida Xorazm viloyatining “Agro Land Max” FX va Atirau viloyatining “Asil Arba” MCHJ o‘rtasida Atirau viloyatiga 1 million 27 ming dollar qiymatdagi qishloq xo‘jaligi mahsulotlarini eksport qilish bo‘yicha shartnoma imzolangan.

Izoh
Asosiy yangiliklar
Dunyo
Putin prezidentlikdan ketsa, uning lavozimiga kim da’vogarlik qilishi mumkinligi ma’lum qilindi
Mahalliy
Qashqadaryoda tuman elektr tarmoqlari korxonasi xodimi tok urishi oqibatida vafot etdi
Dunyo
Afg‘onistonda urush boshlagan AQSH, dispetcher xatoligi sabab qulagan samolyot va Putinning tug‘ilgan kunida o‘ldirilgan faol jurnalist. Kun xronologiyasida 7-okta...