Surxondaryoda tadbirkorga 500 mln so‘m kredit ajratib berish evaziga 10 mln so‘m so‘ragan bank mudiri ushlandi

Surxondaryo viloyatida kredit olib berish evaziga pul talab qilgan bank xodimi qo‘lga olindi.

Bosh prokuratura huzuridagi departamentning Surxondaryo viloyat boshqarmasi tomonidan tadbirkorlik subyektlarining huquqlarini himoya qilish yuzasidan o‘tkazilgan tezkor tadbirda, “Ipoteka bank” ATIB viloyat filialining sho‘ba mudiri X.T. “L.S.” MCHJga qarashli Sho‘rchi tumanidagi ishlab chiqarish sexi binosini ta’mirlash uchun 500 mln so‘m kredit ajratib berish evaziga 10 mln so‘m olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.