Samarqand viloyati Kattaqo‘rg‘on tumanida 11-iyun kuni kimyoviy qorishma ortilgan mashinada yong‘in yuzaga keldi. Bu haqda viloyat Ichki ishlar boshqarmasi xabar qildi.
Qayd etilishicha, holat shu kuni soat 15:30 larda Kattaqo‘rg‘on tumani “Kadan” mahallasi hududida sodir bo‘lgan. Labo transport vositasiga ortilgan kimyoviy qorishma (pena)ning qopqog‘i siqilgan. Oqibatda chaqnash yuzaga kelib, yong‘in chiqqan.
Yong‘in tuman FVB tomonidan o‘z vaqtida bartaraf etilgan.
Hodisa oqibatida avtomashinaga shikast yetgan. Vafot etgan, jarohat olganlar yo‘q.
Holat yuzasidan Kattaqo‘rg‘on tumani IIB tomonidan tergovga qadar tekshiruv harakatlari olib borilmoqda.
Avvalroq Samarqandda somon ortilgan yuk mashinasi yonib ketgani, Toshkentdan Nukusga harakatlanib ketayotgan avtobus yonib ketgani, Namanganda Orlandoda yong‘in yuz bergani haqida xabar berilgan. Mavzuga doir:
