O‘zbekistonga 2022-yilning yanvar—aprel oylarida xorijdan qiymati 25,4 million dollarga teng bo‘lgan 88 336 dona konditsioner import qilingan. Bu haqda Davlat statistika qo‘mitasi xabar qildi.
Qayd etilishicha, konditsioner importi 2021-yilning mos davriga nisbatan solishtirilganda 44 983 donaga oshgan. O‘zbekiston 22 ta davlatdan konditsioner import qilgan.
O‘zbekiston 4 oy mobaynida eng ko‘p konditsioner import qilgan davlatlar:- Xitoy – 83 054 dona;
- Turkiya – 2 720 dona;
- Litva – 811 dona;
- Italiya – 375 dona;
- Fransiya – 213 dona;
- Hindiston – 211 dona;
- Koreya – 210 dona;
- Rossiya – 143 dona;
- Germaniya – 122 dona;
- BAA – 109 dona;
- Ispaniya – 46 dona;
- AQSH – 41 dona.
Avvalroq O‘zbekistonga 4 oyda 50 mingtadan ortiq televizor olib kelingani xabar qilingandi. Bundan tashqari, yil boshidan beri Qozog‘istondan 1,1 million tonna bug‘doy import qilingani, 4 oyda 116 mingta muzlatgich import qilingani, yanvar—aprel oylarida qariyb 1 million dona telefon olib kelingani haqida xabar berilgan.
