Futbol bo‘yicha Yevropa Konferensiyalar Ligasining finalida “Roma” va “Feyenoord” jamoalari 25-may, chorshanba kuni bahs yuritdi.
Uchrashuvning 32-daqiqasida “Roma” futbolchisi Nikolo Zaniolo hisobni ochdi. Ikkinchi bo‘limda darvozalar daxlsizligi saqlanib qoldi va rimliklar kichik hisobdagi g‘alabani o‘ziniki qildi hamda Konferensiyalar Ligasining ilk g‘olibi sifatida tarixga kirdi.
Rimliklar safida o‘zbekistonlik hujumchi Eldor Shomurodov uchrashuvning 89-daqiqasida Temmi Abraham o‘rniga maydonga tushdi.
Qayd etish joiz, “Roma” ustozi Joze Mourinyo Chempionlar Ligasi, Yevropa Ligasi va Konferensiyalar Ligasida g‘alaba qozongan ilk murabbiyga aylandi.
Konferensiyalar Ligasi
Final
25-may, chorshanba
“Roma” – “Feyenoord” 1:0
Gol: 1:0 – 32 Zaniolo.“Roma”: Ruy Patrisiu, Karsdorp (Vina, 89), Smolling, Manchini, Rojer, Zalevski (Spinassola, 67), Mxitaryan (Serjiu Oliveyra, 17), Kristante, Pellegrini, Zaniolo (Veretu, 67), Abraham (Shomurodov, 89).
“Feyenoord”: Beylo, Gertryuyda, Trauner (Pedersen, 74), Senesi, Malasia, Eursnes, Til (Tornstra, 59), Kekchyu, Dessers, Nelson (Linssen, 74), Sinisterra.
Ogohlantirishlar: Trauner (25), Pellegrini (37), Zalevski (66), Ruy Patrisiu (84), Spinassola (90+4).